«Астана» «Тобылдан» жеңіліп қалды

АЛМАТЫ. KAZINFORM - «Астана» футбол клубы Қазақстан Премьер-лигасының ХХV турында «Тобылға» жеңіліп, бас жүлдеге таласты қиындатып алды.

Елордалық клуб биыл чемпиондыққа талас жүргізіп келеді. Олардың басты қарсыласы - алматылық «Қайрат». Аталған турда алматылық ұжым өз алаңында шымкенттік «Ордабасыны» 2:1 есебімен тізе бүктіріп, бас жүлдеге жақындай түсті.
Ал «Астана» бұл жолы Қостанайдың «Тобылына» 0:1 есебімен есе жіберді. Кездесу тағдырын 51-минутында Игорь Иванович соққан жалғыз гол шешті.
Чемпиондық атақ тағдыры соңғы турда шешілетін болды. Бұл жолы 10 қарашада «Қайрат» сырт алаңда «Атыраумен» кездессе, «Астана» «Жетісумен» ойнайды.
Айта кетсек, бүгін «Шахтер» «Ақтөбеге» 1:3, «Жетісу» «Атырауға» 0:2 есебімен жол берсе, түркістандық «Тұран» мен елордалық «Жетісу» 1:1 есебіне қанағат білдірді.
2 қарашада Петропавлдың «Қызылжары» өз алаңында Қызылорданың «Қайсарын» 6:2 есебімен сүріндірді.