«Астана» және «Тобыл» Конференция лигасы топтық сатысына шыға ала ма
АСТАНА. ҚазАқпарат – Қазақстандық «Астана» және «Тобыл» командалары бүгін футболдан Конференция лигасы плей-офф сатысында қарымта ойынын өткізеді, деп хабарлайды ҚазАқпарат тілшісі.
Елордалық «Астана» сырт алаңда Албанияның «Партизани» командасымен ойнайды.
Ойын елорда уақытымен 23.50-де «Qazaqstan» телеарнасынан тікелей эфирде көрсетіледі.
Алғашқы кездесуде қазақстандық команда қарсыласынан 1:0 есебімен басым түсті.
Бас төреші – түркиялық Абдулкарим Битиген. Оған отандастары Джейхун Сесигюзель мен Мұстафа Савранлар көмекшілік жасайды. Қосалқы төреші де сол елдің өкілі – Бахаттин Симсек.
«Астана» алдымен Чемпиондар лигасында Грузияның «Динамо Тбилиси» клубынан (1:2, 1:1) айласын асырса, одан кейін Хорватияның «Динамо Загреб» командасына (0:4, 0:2) есе жіберді.
Ал Еуропа лигасында Болгарияның «Лудогорец» клубына (2:1, 1:5) есе жіберді.
Ал Қостанайдың «Тобылы» сырт алаңда Чехияның «Виктория Пльзень» командасымен шеберлік байқасады.
Бірінші ойында қостанайлық команда қарсыласына 1:2 есебімен жол берді.
Кездесуге словениялық төрешілер бригадасы қазылық жасайды. Алаңда Матей Юг төреші болса, оған отандастары
Бас төреші – түркиялық Абдулкарим Битиген. Оған Матей Жунич пен Мануэл Видали көмекшілік жасаса, қосалқы төреші міндетін сол елдің өкілі Давид Смайц атқарады.
Ойын елорда уақытымен 00.00-де «Qazsport» телеарнасынан тікелей эфирде көрсетіледі.
Айта кетсек, Конференция лигасының алғашқы үш іріктеу сатысында қостанайлық клуб Финляндияның «Хонка» (0:0, 2:1), Швейцарияның «Базель» (3:1, 1:2), Солтүстік Ирландияның «Дерри Сити» (2:1, 0:1) клубтарын қапы қалдырды.
