Астанада 36 жастағы ер адам 76 келі марихуанамен ұсталды
АСТАНА. 6 қыркүйек. ҚазАқпарат - Астана аумағына есірткіні әкелу және оны тарату жолдарын кесуге бағытталған шұғыл-іздестіру шаралары кезінде Астана қаласының ІІД есірткі бизнесімен күрес басқармасының қызметкерлері 36 жастағы ер адамды ұстады, оның жалдамалы пәтерінен жалпы салмағы 76 келіден асып жығылатын 4 дорбаға толтырылған марихуана тәркіленді.
Қазіргі уақытта Астана қаласы ІІД-нің есірткі бизнесімен күрес басқармасының қызметкерлері қала аумағына есірткіні әкелу және оны тарату жолдарын кесуге бағытталған шұғыл-іздестірудің кешенді шараларын өткізуде, сондай-ақ ұсталғандардың басқа да есірткіге байланысты қылмыстарға қатыстылығы тексерілуде.
