Астанада алдағы демалыс күндері ауыл шаруашылығы жәрмеңкесі өтеді

АСТАНА. KAZINFORM — Астанада 10-11 қаңтар аралығында кезекті қалалық ауыл шаруашылығы жәрмеңкесі өтеді. Бұл туралы елорда әкімдігі хабарлады. 

Жәрмеңкеде жергілікті фермерлер мен Қазақстанның түрлі өңірлерінен келген тауар өндірушілердің өнімдері ұсынылады. Қала тұрғындары мен қонақтары көкөністер мен жеміс-жидектерді, ет өнімдерін, ұн және сүт өнімдерін, наубайхана тауарларын, табиғи шырындар, тосаптар мен джемдерді тиімді бағада сатып ала алады.

Іс-шара 10 және 11 қаңтар күндері сағат 10:00–ден 19:00–ге дейін өтеді.

Өтетін орны: «Keryen Joly» сауда орталығы, Алаш тас жолы, 35Б.

Келушілердің ыңғайлылығы үшін жәрмеңке өтетін орынға № 7, 11, 39, 41, 45, 53, 59, 81, 307 және 317 бағыттағы қоғамдық көліктер қатынайды. 

Айта кетелік Астана тұрғындары аулаларын жаңартуға өтінім бере алатыны туралы жазған едік.