Астанада автокөлік көше ортасында аударылып қалды

АСТАНА. KAZINFORM – Елордада жол ортасында жеңіл автокөлік аударылып қалды. 

«Көлік жүргізушісі әуежай жағынан Ә.Кекілбаев көшесінің қиылысында келе жатып, алдынан тоқтаған көлікпен соқтығыспау үшін рульді күрт бұрған. Салдарынан көлік аударылып қалған. Зардап шеккендер жоқ», - делінген ақпаратта. 

Астана қаласының Полиция департаменті ауа райының қолайсыздығына байланысты жүргізушілерге жолда мұқият болуды, жылдамдық пен арақашықтық режимін қатаң сақтауды ескертеді. 

Бұған дейін Астана әуежайынан ұшатын 7 рейс және ұшып келетін 8 рейс тоқтатылғаны туралы хабарлаған едік.