Астанада балалар суретінің қалалық байқауы өтеді

АСТАНА. 20 қаңтар. ҚазАқпарат - Астанадағы Оқушылар сарайында 23 қаңтар күні «Қазақстан - менің Отаным!» атты балалар суретінің қалалық байқауы өтеді.

Байқауға 3 жастан 18 жасқа дейінгі орта және мамандандырылған білім беру мекемелерінің тәрбиеленушілері қатысады, деп хабарлады Астана қаласының ресми сайты.

«Аталған байқаудың мақсаты - балалардың бойында адамгершілік, рухани құндылықтар мен патриотизмді және ұлттық мәдениетке деген құрмет сезімін қалыптастыру», - деп мәлімдейді Оқушылар сарайынан.

Қатысушыларға көркем жұмыстар үшін: «Астана - арман қала», «Тәуелсіз Қазақстан», «Отаным - алтын бесігім», «Астана - болашақтың қаласы», «Қазақстан - 2030» сияқты бірнеше тақырып ұсынылады.

Суреттер Оқушылар сарайының галереясына қойылып, сол жерден қазылар алқасы жеңімпаздарды анықтайды.