16:59, 02 Қараша 2017 | GMT +5
Астанада білім грантын «саудаға салған» алаяққа қатысты қылмыстық іс қозғалды
АСТАНА. ҚазАқпарат - Астана қаласы ішкі істер департаменті 1986 жылы туған Гүлзира Нәдірбековаға қатысты қылмыстық іс жүргізіп жатыр, деп хабарлайды ведомствоның баспасөз қызметі.
Ол Жоғарғы оқу орындарына грант алып беремін немесе оқуға түсу емтихандарынан өткізіп беремін және екінші деңгейлі банктерден кепілге мүлік алып беремін деген желеумен азаматтардан ірі көлемді ақша жымқырған.
Г.Нәдірбековаға қатысты қамауға алу түріндегі бұлтартпау шарасы қолданылды.
Астана қаласының ІІД Гүлзира Нәдірбекованың әрекеттерінен зардап шеккендердің ІІД-інің тергеу басқармасына (Бейбітшілік көшесі,19) немесе 8 (7172) 71-62-13, 71-62-24 және «102» байланыс телефондарына хабарласуын сұрайды.
