15:52, 09 Маусым 2024 | GMT +5
Астанада бүгін түнде тағы бір көше жабылады
АСТАНА. KAZINFORM – «Астана қаласының Көлік және жол-көлік инфрақұрылымын дамыту басқармасы» ММ Қабанбай батыр даңғылын орташа жөндеу шеңберінде Қабанбай батыр даңғылы мен Хусейн Бен Талал көшесінің қиылысында жұмыстар жүргізілетіні туралы хабарлады.
Осыған байланысты 9 маусым сағат 22:00-ден осы жылдың 10 маусымы сағат 22: 00-ге дейін жоғарыда аталған учаске толығымен жабылады.
«Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз. Уақытша қолайсыздықтар үшін кешірім сұраймыз және жол-құрылыс жұмыстарын жүргізуге түсіністікпен қарауды өтінеміз», - делінген хабарламада.
