Астанада екі көше бүгінше жабық тұр

АСТАНА. KAZINFORM — Бүгін елордада бірқатар жолда көлік қозғалысына тыйым салынды. 

Бүгін, 15 қыркүйек таңғы 06:00–ден 20:00–ге дейін LRT жол өткелдеріндегі уақытша металл конструкцияларын демонтаждау жұмысына байланысты мына жолдарды жабу жоспарланған: 

— Хусейн бен Талал көшесі — Қабанбай батыр даңғылынан Мәңгілік Ел даңғылына қарай 70 метрге;

— Жаңадария көшесі — Қабанбай батыр даңғылынан Пригородный шағын ауданына қарай 70 метр.

«Елорда тұрғындары мен қонақтарынан қала жолдарында кептеліс болмас үшін өз маршрутын алдын ала жоспарлауды сұраймыз. Уақытша қолайсыздық үшін кешірім сұраймыз және жол-құрылыс жұмысын жүргізуге түсіністікпен қарауды өтінеміз» деп ескертеді әкімдіктен. 

Еске сала кетейік, кеше Қорғалжын тасжолының бір бөлігі жабылған болатын.