Астанада қала маңына қатынайтын екі автобус уақытша тоқтады

АСТАНА. KAZINFORM — City Transportation Systems мекемесінің баспасөз қызметі мәлім еткендей, аталған шектеулер ауа райының нашарлауына байланысты енгізілді.

— Ауа райының нашарлауына байланысты қала маңына қатынайтын № 317, 329 бағдарларының қозғалысы уақытша тоқтатылды. Басқа қала маңына қатынайтын бағдарлар линияда. Қоғамдық көлік қозғалысы бойынша барлық өзгерістерді @cts_kz парақшамыздан бақылаңыз, — делінген мекеме таратқан хабарламада.

Еске салсақ, бұған дейін «ҚазАвтоЖол» ҰК баспасөз қызметі қазіргі уақытта қандай республикалық жолдар ашық екенін айтты.

Сонымен қатар, Астанада 9 қарашадан бастап бес бағытқа қосымша автобустар қосылып, рейстер арасындағы аралықтарды үш минутқа қысқартатыны хабарланды.