11:20, 11 Қаңтар 2024 | GMT +5
Астанада қар тазалауға 1700-ден астам арнайы техника шығарылды
Елорданың коммуналдық қызметкерлері тәулік бойы күшейтілген режимде жұмыс істеп жатыр, деп хабарлайды Kazinform қала әкімдігінің баспасөз қызметіне сілтеме жасап.
11 қаңтар күні қар тазалау жұмысына күндізгі ауысымға 1750 бірлік арнайы техника, 2413 жол жұмысшы жұмылдырылды. 10 қаңтардан 11-іне қараған түні шамамен 58 мың текше метр қар немесе 4108 жүк рейсі шығарылды.
Қазіргі уақытта қаладан барлығы 1 756 317 текше метрден астам қар шығарылды, бұл 128 849 жүк рейсінің көлеміне тең.
Гидрометорталық болжамына сәйкес, 11 қаңтарда көшпелі бұлт шығып, қар аз жауады деп күтіледі. Түнде қарлы боран болады деген болжам бар.
Оңтүстік-батыстан соққан жел 9-14 м/с, түнде екпіні 15-20 м/с болмақ. Ауа температурасы түнде және күндіз -20-22 аяз.
