Астанада қатты жаңбыр жауады - ТЖД

АСТАНА. ҚазАқпарат - Астанада 25 наурызда қатты жаңбыр жаууы мүмкін, деп хабарлайды «ҚазАқпарат» ХАА елордалық ТЖД-ға сілтеме жасап.

«Қазгидромет» РМК таратқан мәліметтерге қарағанда, 25 наурызда жауын жауып, сондай-ақ көктайғақ, тұман, дауыл болуы ықтимал», - делінген хабарламада.

Бұдан бөлек, ҚР ІІМ ТЖК ақпараты бойынша, 25 наурыз күні күндіз Ақмола облысының кей жерлерінде қатты жауын-шашын күтілуде.

«25 наурыз күні кей жерлерде көктайғақ, боран, тұман болады. Жылдамдығы 15-20 м/с болатын оңтүстік-батыс желі солтүстік-шығысқа ауысады. Дауылдың ықтималдығы 90-95%», - делінген Комитеттің ресми сайтында жарияланған ескертуде.