16:47, 24 Қараша 2011 | GMT +5
Астанада Қазақстанның әлеуметтік-экономикалық дамуы туралы форум болады
МАТЫ. 24 қараша. ҚазАқпарат /Ерлік Ержанұлы/ - Астанада 1-желтоқсанда «Қазақстанның әлеуметтік-экономикалық дамуы: Тәуелсіздікке 20 жыл және жаңа міндеттер» деп аталатын экономикалық форум болады. «Тәуелсіздіктің жиырма шыңы» - 20 жұлдызды күн шеңберінде өтетін бұл шараны Экономикалық даму және сауда министрлігі «ҚАЗКА» Қазақстан кәсіпкерлер қауымдастығымен бірлесіп ұйымдастыруда.

Оған бизнес қауымдастықтардың, ғылыми-зерттеу институттар мен халықаралық ұжымдардың басшылары мен еліміздің түкпір-түкпірінен 300-ден астам кәсіпкер шақырылып отыр. Еліміздегі экономикалық және әлеуметтік саясаттың және инвестициялық іскерлік ахуалдың нәтижелері мен жаңа міндеттерін талқылауға арналған форум жұмысына, ҚР Премьер-Министрі Кәрім Мәсімов, Индустрия және жаңа технологиялар министрі Әсет Исекешев, Экономикалық даму және сауда министрі Қайрат Келімбетов, Еңбек және халықты әлеуметтік қорғау министрі Гүлшара Әбдіхалықова, Қаржы министрі Болат Жәмішев қатыспақ.