Астанада Қазақстанның коммунистік халық партиясының қолдауымен 5-15 жас аралығындағы балалар арасында каратэ-додан чемпионат өтеді

АСТАНА. 23 желтоқсан. ҚазАқпарат - 25-ші желтоқсанда Астанада Қазақстанның коммунистік халық партиясының қолдауымен 5-15 жас аралығындағы балалар арасында каратэ-додан чемпионат өтеді,

деп хабарлайды Қазақстанның коммунистік халық партиясының баспасөз қызметі.

Шараның мақсаты - спорт пен салауатты өмір салтын насихаттау болып табылады. Қазақстанның коммунистік халық партиясы каратэ-до спортының кең тарауына және жастардың спортқа деген ықыласын арттыруға барынша мүдделі. Спорттық бәсекеге Парламент Мәжілісі депутаттарының сайлауына кандидат, Қазақстанның коммунистік халық партиясының хатшысы Жамбыл Ахметбеков қатысады.