Астанада көмір қайда сатылады: бағасы қанша
АСТАНА. KAZINFORM — Астанада тұрғындар үшін 14 көмір сату орны және 10 қойма жұмыс істейді. Олардың барлығы қажетті инфрақұрылыммен және тиеу-түсіру техникасымен жабдықталған. Аталған нысандарда көмір сатумен 8 компания айналысады. Бұл туралы елорда әкімдігі мәлім етті.
Көмір сату орындары мына мекенжайларда орналасқан:
- Герцен көшесі, 4/1;
- Герцен көшесі, 6/2;
- Көктал көшесі, 28/2;
- Мақат көшесі, 40;
- Жамбыл Жабаев көшесі, 76;
- Дулатов көшесі, 182/1;
- Мақат көшесі, 4/1; 70-проезд,
- № 9А; ЖЭО-2; 101-көше,
- 30Б; Литейная көшесі, 44;
- Көктал көшесі, 28;
- Герцен көшесі, 6Б.
Бүгінгі таңда көмірдің орташа бағасы:
- Шұбаркөл — тоннасына 19 500 теңге;
- Қаражыра — тоннасына 18 800 теңге;
- Майкүбі — тоннасына 16 800 теңге.
Әкімдіктің мәліметінше, 109 нөмірі бойынша жедел желі жұмыс істейді. Осы нөмір арқылы тұрғындар көмір қоры, бағасы және сату орындарындағы қолжетімділігі туралы жедел ақпарат ала алады.
Айта кетейік, бұған дейін Премьер-министр Олжас Бектенов көмір бағасының негізсіз өсуіне жол бермеуді тапсырған болатын.
