Астанада «Мәңгілік полк» шеруі өте ме
АСТАНА.KAZINFORM - Астанада биыл Жеңіс күніне орай «Мәңгілік полк» шеруі өтпейді.
Қаланың Ішкі саясат департаментінің мәліметінше, Астанада Екінші дүниежүзілік соғыс ардагерлерінің портреттері бар дәстүрлі шеруді өткізу жоспарланбаған. Биыл «Батырларға тағзым» шеруі онлайн режимінде жалғасады.
Астана әкімдігінің баспасөз қызметі сонымен қатар 7 мамырда Отан қорғаушылар күніне орай Қазақ елі алаңында парадтық концерт өтетінін айтты. Іс-шараға әскери оркестрлер мен мемлекеттік органдардың парадтық бөлімшелерінің қатысуымен мерекелік бағдарлама кіреді. Сондай-ақ бөлімшелердің салтанатты жаттығулары мен көрсетілімдері болады.
Іс-шара сағат 11:00-де басталады.
Бұған дейін хабарлағанымыздай, Қазақстанда 1, 7 және 9 мамыр күндері халыққа қызмет көрсету орталықтары (ХҚО) жұмыс істемейді.
