Астанада менингококк инфекциясының жаппай таралу қаупі жоқ – кафедра доценті
«Біздің қаламызда оның таралып кету қаупі жоқ. Жыл басынан бері балалар арасында мұндай жағдай бірінші рет тіркеліп отыр. Оның үстіне, бұл - менингококк инфекциясының араласқан түрі. Мұндай балалар біздің қарқынды терапияның бөлімшесінде емделеді. Менингококкты сепсистен гөрі, баланың бойынан ғылым ережесі бойынша оңай арылатын араласқан түрі анықталып отыр. Бүгінгі таңда баланың жағдайы тұрақты. Комиссиялық тұрғыда ол қаралды. Ешқандай мәселе жоқ», - дейді Анна Бринстер Астанадағы Балалар инфекциялық ауруханасында өткен баспасөз мәслихатында.
Анна Бринстердің айтуынша, аталған инфекцияны жұқтыру үшін сырқат адаммен ұзақ уақыт бойы жақын қарым-қатынаста болу керек.
«Менингококк сыртқы ортада өте тұрақсыз. Сондықтан, тіркелген бір ғана жағдайда эпидемия деп есептей алмаймыз», - дейді ол.
Еске сала кетсек, 29 мамыр күні сағат 13:12-де қалалық Балалар жұқпалы аурулар аураханасына 3 жас 5 айлық бала түскен болатын.
«Баланың алдын ала диагнозы - «Менингококк инфекциясы, генерализдік формасы (ондайда инфекция адам ағзасының біраз органдарына тарап кетеді - авт.) Менингит + Менингококцемия», - деп хабарлаған еді қалалық денсаулық сақтау басқармасынан.
Бүгінгі өткен баспасөз мәслихатында Астана қалалық Балалар инфекциялық ауруханасы бас дәрігерінің медицина бойынша орынбасары Ольга Пушкарева Астанада менингит белгілерімен ауруханаға түскен бала 24 мамырда Алматыдан келгенін айтқан еді.
Сондай-ақ белгілі болғандай, Астанада менингит белгілерімен ауруханаға түскен баланың жанында болған туыстары бактериологиялық тексерістен өткен.