Астанада «Мерейлі отбасы» ұлттық байқауы кезеңінің жеңімпаздары анықталды (ФОТО)
«Мерейлі отбасы» ұлттық байқауының шарттарына сәйкес байқауға құжат қабылдау ағымдағы жылдың сәуір айында басталған болатын. Берілген уақыт аралығында елорда әкімдігіне 51 отбасыдан өтініш келіп түскен. - «Мерейлі отбасы» - бұл Президентіміздің отбасылық құндылықтарды насихаттауға арналған идеясы. Елбасы мемлекет саясатының басты бағыттарының бірі ретінде отбасы саясатын атап өткен болатын. Бұл біздің қоғамның басты құндылықтарының бірі, - деді ҚР Президенті жанындағы отбасы саясаты және әйелдер ісі жөніндегі ұлттық комиссияның хатшысы Шолпан Сыздықова. Байқау қорытындысы бойынша Дүйсекбаевтар мен Врублевкийлер отбасылары жүлделі 3-ші орынды өзара бөлісті. Ал 2-ші орын Герасименко және Өкеновтер отбасыларына бұйырды. Жүгінісовтер мен Елеусіновтер отбасылары «Мерейлі отбасы» ұлттық байқауының жеңімпаздары атанды.