Астанада Н.Назарбаевтың қатысуымен Индустрияландыру күні басталады

АСТАНА. 9 желтоқсан. ҚазАқпарат - Қазақстан Республикасы Тәуелсіздігінің 20 жылдығын мерекелеу қарсаңында Астанада Мемлекет басшысы Нұрсұлтан Назарбаевтың қатысуымен үш маңызды оқиғаны біріктіретін Индустрияландыру күні өтеді.

Бұлар: 2011 жылдың ІІ жартыжылдығындағы индустрияландыру нысандарын іске қосу және оның таныстырылымы бойынша жалпыұлттық телекөпір, ҚР Президентінің «Алтын сапа-2011» сыйлығының лауреаттарын және «Қазақстанның таңдаулы тауарлары» көрме-конкурсының дипломанттарын салтанатты марапаттау және «Парыз-2011» бизнестің әлеуметтік жауапкершілігі конкурсы жеңімпаздарын марапаттау салтанатты рәсімі.