09:11, 22 Шілде 2023 | GMT +5
Астанада он үш автобустың маршруты өзгереді
АСТАНА. ҚазАқпарат - Астаналық City Transportation Systems көлік компаниясы кейбір қоғамдық көліктің бағыты уақытша ауысқанын еске салды, деп хабарлайды ҚазАқпарат.

Қалалық көлік және жол-көлік инфрақұрылымын дамыту басқармасының мәліметінше, қала көшелерінде жол жөндеу жұмысы жүріп жатыр.
Осыған байланысты № 1, 2, 4, 4A, 9, 13, 19, 24, 24H, 33, 48, 70, 71 бағдарларының қозғалыс сызбасы жөндеу біткенше уақытша өзгереді.
Жаңа қозғалыс сызбасымен мына сілтемеден қарап таныс бола аласыздар.
«Сапарыңызды алдын ала жоспарлауды сұраймыз» деп ескертеді компаниядан.