Астанада өтетін ЭКСПО билетінің орташа бағасы анықталды
Астанада өтетін Экспо көрмесіне орай, компания басқа әлемдік іс-шаралар бойынша билет бағдарламаларына шолу жасады.
«2015-2016 жылдар маңызды оқиғалармен есте қалды - бұл Евровидение-2015 әндер байқауы; Миландағы «ЭКСПО-2015» бүкіләлемдік көрмесі; Рио-2016 жазғы олимпиада ойындары және Футбол бойынша Еуропа чемпионаты 2016. Бұл оқиғалардың барлығы мәдени-жаппай сипатқа ие»,- деп хабарлады компанияның баспасөз қызметі.
Компанияның баспасөз қызметінің мәлім етуінше, халықаралық тәжірибе көрсеткендей, мұндай іс-шараларды өткізу кезінде билеттердің 70-75 % тұрғылықты халық сатып алады екен.
«Астанадағы ЭКСПО-2017 көрмесінің ұйымдастырушылары арнайы билет бағдарламасын бекітті, оның арқасында билеттің орташа бағасы 10,6 еуроны құрайды, ал Миландағы «Экспо-2015» көрмесінде билеттің орташа құны - 45 еуроны, Евровидение 2015 -те - 132 еуроны, Рио-2016-да - 21,1 еуроны, Еуро-2016-да - 219 еуроны құрады»,-деп хабарлады компанияның баспасөз қызметі.
Естеріңізге сала кетейік, 10 желтоқсаннан бастап ЭКСПО-2017 көрмесіне билеттерді офф-лайн сату басталған болатын.