Астанада ұлттық компаниялар басшыларының І-ші Инновациялық саммиті басталды
Саммитті ашқан қор басшысы Қайрат Келімбетов «Самұрық- Қазынаның» инновациялық-технологиялық даму саясатының негізгі басымдықтарын айқындап, оның ұлттық компаниялардың жұмысына енгізілетіндігін жеткізді.
«Қордың инновациялық-технологиялық саясаты еліміздің индустриялық-инновациялық бағдарламасын жүзеге асыруда негізгі рөлді атқаратын болады. Бүгінде инновациялық әлеуетті компанияларды модернизациялау аса қажет. Бұл жұмыс мұнай-газ, электрэнергетика, темір жол, телекоммуникация, атом энергетикасы және әуе тасымалы салаларына тікелей байланысты. Осыдан кейін оларды инновациялық-технологиялық дамытудың басымды бағыттарын анықтау қажет. Осы орайда қордың инновациялық-технологиялық саясаты еншілес компаниялардың жұмысына енгізілетін болады», деді Қ. Келімбетов.
Ұлттық компаниялар басшыларының І-ші Инновациялық саммитіне «ҚазМұнайГаз», «Қазақстан темір жолы», «ҚазАтомөнеркәсіп», «Кегок» және «Қазақтелеком» сияқты еліміздің ірі ұлттық компанияларының басшылары қатысуда.