Астанада үздік әлеуметтік жобаны анықтайды

АСТАНА. ҚазАқпарат - Астана қаласының Жұмыспен қамту және әлеуметтік бағдарламалар басқармасы «Қазақстанда іске асырылатын үздік әлеуметтік жобалар» конкурсына қатысуға өтінімдер қабылдайтыны туралы хабарлайды.

Бұл туралы елорда әкімдігінің сайты хабарлады.

Конкурсқа халықты әлеуметтік қорғау жүйесі ауқымында қызмет етіп жүрген қоғамдық бірлестіктер, мүгедектер ұйымдары, жеке тұлғалар мен басқа да үкіметтік емес ұйымдар қатыса алады.

Аталмыш конкурсқа өмірдің қиын жағдайына тап болған адамдардың, халықтың әлеуметтік осал санаттарының өмір сүру сапасын жақсартуға бағытталған әлеуметтік жобалар қатыса алады.

Өңірлік іріктеуден өткен әлеуметтік жобалар республикалық көрмеге қатысады. Конкурс шарттарын басқарманың www.uzsp.astana.kz сайтындағы «Үздік әлеуметтік жобалар» айдварынан толық таныса аласыздар.