Астанада заң үстемдігін қамтамасыз ету саласында институционалдық реформаларды іске асыру жөніндегі жұмыс тобының отырысы өтті

АСТАНА. ҚазАқпарат - 18 мамыр күні Астанада Қазақстан Республикасы Президенті Әкімшілігі Басшысының орынбасары Талғат Донақовтың төрағалық етуімен Мемлекет басшысы жариялаған заң үстемдігін қамтамасыз ету саласындағы институционалдық реформаларды іске асыру жөніндегі жұмыс тобының отырысы өтті, деп хабарлайды ресми БАҚ.

Отырыс қорытындысында Елбасы Нұрсұлтан Назарбаевтың судьяларды іріктеу жүйесін жетілдіру жөніндегі тапсырмалары мен нұсқауларын іске асыруды қамтамасыз етуге бағытталған ұсыныстар әзірленді. Ол Жаңғырту жөніндегі ұлттық комиссияның қарауына ұсынылатын болады.