Астанада «Жаншуақ» сыйлығының жеңімпаздары марапатталады

АСТАНА. Желтоқсанның 3-і. ҚазАқпарат /Арман Асқаров/ - Бүгін Астанадағы «Думан» қонақ үйі ғимаратында «Мүгедек жандардың ұйысуы: халықаралық тәжірибе» тақырыбында «дөңгелек үстел» өтті,

 деп хабарлайды ҚазАқпарат.

«Нұр Отан» ХДП-ның ұйымдастыруымен өткен іс-шарада еліміздегі мүгедек жандардың қазақстандық қоғаммен ұйысуының мәселесі және осы орайдағы мемлекеттік органдар мен бизнес ұйымдарының қосар үлесі талқыланды. «Дөңгелек үстелдің» қорытындысы бойынша мүмкіндігі шектеулі азаматтардың әлеуметтік жағдайын жақсартуға бағытталған бірлескен қарар қабылданды.

Бүгін, желтоқсанның 3-і күні, осы іс-шара аясында әлеуметтік саланың белсенді азаматтарын анықтауға арналған «Жаншуақ» сыйлығының жеңімпаздары марапатталады.