Астанада жел күшейіп, өңірлерде қар жауады: «Қазгидромет» ескерту жасады
АСТАНА. KAZINFORM — 20 қазанда Қазақстанның бірқатар өңірінде ескерту жарияланды. Бұл туралы «Қазгидромет» РМК баспасөз қызметі мәлім етті.
Жетісу облысы
Түнде және таңертең Алакөл көлдері ауданында ауа температурасы -2…-7°С-қа дейін төмендеп, үсік жүреді. Солтүстік-шығыстан соғатын желдің екпіні 15–20 м/с, кей уақыттарда 23–28 м/с-қа дейін жетеді. Талдықорған қаласында түнде және таңертең -3…-5°С үсік күтіледі.
Атырау облысы
Облыста өрт шығу қаупі жоғары. Ал солтүстік, оңтүстік және шығыс бөліктерінде өрт қаупі төтенше деңгейге жетеді. Атырау қаласында да төтенше өрт қаупі жарияланды.
Шығыс Қазақстан облысы
Күндіз облыстың шығысы мен таулы аудандарында жаңбыр мен қар түрінде жауын-шашын күтіледі. Түнде және таңертең оңтүстік, шығыс және орталық бөліктерінде тұман түседі.
Оңтүстік-шығыс желі солтүстік-батыс желіне ауысады. Түнде облыстың солтүстігінде жел екпіні 15–20 м/с болады. Күндіз желдің екпіні 15–20 м/с-қа жетіп, батыс, солтүстік және оңтүстік аудандарда кей уақыттарда 23–28 м/с-қа дейін күшейеді.
Өскемен қаласында жел оңтүстік-шығыстан соғып, кейін солтүстік-батысқа ауысады. Жел екпіні 15–20 м/с, күндіз кей уақыттарда 25 м/с болады.
Абай облысы
Түнде облыстың батысы мен солтүстігінде, ал күндіз солтүстік, шығыс және орталық бөліктерінде жаңбыр мен қар түрінде жауын-шашын күтіледі. Түнде және таңертең оңтүстік пен шығыста тұман түседі.
Оңтүстіктен соғатын жел кейін солтүстік-батысқа ауысады. Түнде батыс, солтүстік және орталық аудандарда жел екпіні 15–20 м/с болады. Күндіз желдің екпіні 15–20 м/с-қа жетіп, солтүстік, оңтүстік-батыс және орталық аудандарда кей уақыттарда 23–28 м/с-қа дейін күшейеді.
Семей қаласында оңтүстіктен соғатын жел солтүстік-батысқа ауысып, екпіні 15–20 м/с болады. Күндіз кей уақыттарда 25 м/с-қа дейін жетеді.
Астана қаласы
Оңтүстік-батыстан соғатын жел солтүстік-батысқа ауысады. Жел екпіні 15–20 м/с болады.
Ақмола облысы
Түнде, ал күндіз облыстың солтүстігі мен шығысында жаңбыр мен қар түрінде жауын-шашын күтіледі. Батысы мен солтүстігінде тұман түсіп, көктайғақ болады.
Оңтүстік-батыстан соғатын жел солтүстік-батысқа ауысады. Жел екпіні 15–20 м/с, ал солтүстік және шығыс аудандарда кей уақыттарда 23–28 м/с-қа дейін күшейеді.
Көкшетау қаласында солтүстік-батыстан соғатын желдің жылдамдығы 15–20 м/с, екпіні 23 м/с болады.
Қостанай облысы
Түнде облыстың шығысында жаңбыр мен қар түрінде жауын-шашын жауып, көктайғақ болады. Түнде және таңертең батыс, солтүстік және шығыс аудандарда тұман түседі. Оңтүстік бөлігінде өрт шығу қаупі жоғары.
Солтүстік-батыстан соғатын желдің түнгі екпіні 15–20 м/с болады. Күндіз облыстың солтүстігі мен шығысында желдің екпіні 15–20 м/с-қа жетеді.
Қостанай қаласында түнде солтүстік-батыстан соғатын желдің екпіні 15–20 м/с болады.
Ақтөбе облысы
Облыстың шығысында өрт шығу қаупі жоғары, ал батысы, оңтүстігі және орталығында өрт қаупі төтенше деңгейге жетеді.
Солтүстік және солтүстік-шығыстан соғатын желдің екпіні облыстың солтүстігі мен шығысында 15–18 м/с болады.
Солтүстік Қазақстан облысы
Түнде жаңбыр мен қар жауып, көктайғақ болып, жер бетінде бұрқасын соғады. Күндіз облыстың батысы, солтүстігі және шығысында да жаңбыр мен қар жауып, көктайғақ пен бұрқасын күтіледі. Түнде және таңертең батысында тұман түседі.
Солтүстік-батыстан соғатын желдің жылдамдығы 15–20 м/с, екпіні 23–28 м/с болады.
Петропавл қаласында жаңбыр мен қар жауып, көктайғақ және жер бетінде бұрқасын күтіледі. Солтүстік-батыстан соғатын желдің жылдамдығы 15–20 м/с, екпіні 23–28 м/с болады.
Қызылорда облысы
Күндіз облыстың батысы, солтүстігі және орталығында шаңды дауыл тұрады. Түнде шығысында топырақ бетінде -2°С-қа дейін үсік жүреді.
Облыстың солтүстігінде өрт шығу қаупі жоғары, ал жалпы өңірде өрт қаупі төтенше деңгейге жетеді.
Солтүстіктен соғатын желдің күндізгі екпіні облыстың батысы, солтүстігі және орталығында 15–20 м/с болады.
Қызылорда қаласында төтенше өрт қаупі жарияланды.
Қарағанды облысы
Таңертең және күндіз облыстың солтүстігі мен шығысында жаңбыр мен қар жауып, көктайғақ болады. Түнде және таңертең солтүстік пен оңтүстікте тұман түседі. Батысында өрт қаупі төтенше деңгейге жетеді.
Оңтүстік-батыстан соғатын жел солтүстік-батысқа ауысады. Солтүстік, шығыс және оңтүстік аудандарда жел екпіні 15–20 м/с, кей уақыттарда 23 м/с болады.
Қарағанды қаласында таңертең және күннің бірінші жартысында жаңбыр мен қар жауып, көктайғақ күтіледі. Оңтүстік-батыстан соғатын жел солтүстік-батысқа ауысып, таңертең және күндіз екпіні 15–20 м/с болады.
Ұлытау облысы
Облыстың батысы мен орталығында өрт қаупі төтенше деңгейге жетеді.
Оңтүстік-батыстан соғатын жел солтүстік-шығысқа ауысады. Таңертең және күндіз облыстың батысы, солтүстігі мен шығысында жел екпіні 15–20 м/с болады.
Жезқазған қаласында төтенше өрт қаупі жарияланды. Оңтүстік-батыстан соғатын жел солтүстік-шығысқа ауысып, күндіз екпіні 15–18 м/с болады.
Маңғыстау облысы
Облыстың орталық бөлігінде өрт шығу қаупі жоғары.
Павлодар облысы
Жаңбыр мен қар түрінде жауын-шашын күтіледі. Күндіз облыстың солтүстігі мен шығысында жауын-шашын мол түсіп, көктайғақ болады.
Солтүстік-батыстан соғатын желдің жылдамдығы 15–20 м/с болады. Күндіз облыстың батысы, оңтүстігі мен орталығында жел екпіні 23–28 м/с-қа дейін күшейеді.
Павлодар қаласында жаңбыр мен қар жауады. Солтүстік-батыстан соғатын желдің жылдамдығы 15–20 м/с, ал күндіз екпіні 23–28 м/с болады.
Түркістан облысы
Облыстың солтүстігі мен батысында өрт шығу қаупі жоғары. Таулы аудандарда тұман түседі.
Солтүстік-шығыстан соғатын желдің екпіні облыстың солтүстігі мен таулы аудандарында 15–20 м/с болады.
Түркістан қаласында өрт шығу қаупі жоғары.
Жамбыл облысы
Түнде облыстың батысы мен шығысында -2°С-қа дейін үсік жүреді. Түнде және таңертең таулы аудандарда тұман түседі.
Солтүстік-шығыстан соғатын желдің екпіні таулы аудандарда 15–20 м/с болады.
Батыс Қазақстан облысы
Облыстың батысы, оңтүстігі мен шығысында өрт шығу қаупі жоғары.
Солтүстік-шығыстан соғатын желдің күндізгі екпіні облыстың солтүстігі, батысы мен оңтүстігінде 15–20 м/с болады.
Бұған дейін алдағы үш күнде жаңбыр жауып, қай өңірлерге қар түсетінін жаздық.
