Астанада жол апатынан велосипед жүргізушісі көз жұмды

АСТАНА. ҚазАқпарат - Қонаев көшесі бойында болған жол-көлік апатында велосипед жүргізушісі қаза тапты.

«Елордалық полицейлер ағымдағы жылы 1 қазанда шамамен сағат 01.00-де Қонаев көшесі бойында болған жол-көлік апатына қатысты ҚР ҚК 345-бабына сәйкес сот алдындағы тергеу амалдарын бастады. Тиісті сараптамалар тағайындалды. Автомобиль коммуналдық тұраққа жеткізілді. Тергеу амалдары жүргізіліп жатыр», - деп хабарлады ІІД баспасөз қызметінен.

«ВMW» маркілі көлігінің 1994 жылы туған жүргізушісі 1 қазанда сағат 01.00 шамасында Қонаев көшесінің бойымен Тұран даңғылына қарай жүріп бара жатқанда белгіленбеген жерде жолды өтіп бара жатқан велосипедшіні соғып кеткен.

Жол-көлік оқиғасы салдарынан 32 жастағы Е. есімді азамат алынған жарақаттардан оқиға орнында жан тапсырды.