Астанадағы бокс кеші: Ағайынды Сабырхандардың қарсыластары анықталды

АСТАНА. KAZINFORM — 5 сәуірде Астанада өтетін бокс кешінде ағайынды Махмуд және Төрехан Сабырханның қарсыластары белгілі болды.

Аталған спорттық шараның басты жекпе-жегінде Жәнібек Әлімханұлы (16-0, 11КО) мен франциялық Анауэл Нгамиссенгенің (14-0, 9 КО) қолғап түйістіреді.

Кәсіпқой бокс турнирінде барлығы 10 жекпе-жек өтеді деп жоспарланған. Онда Махмуд және Төрехан Сабырханның кәсіпқой бокстағы тұсаукесер жекпе-жегі болады.

2023 жылғы әлем чемпионаты Махмұд колумбиялық Николас Тордесильямен шеберлік байқасады. Қарсыласы қазірге дейін кәсіпқой бокстағы екі жекпе-жектің екеуінде де қарсыласын қапы қалдырған.

Ал 20 жастағы Төреханның қарсыласы — чехиялық Джири Хауке. 29 жастағы былғары қолғап шебері кәсіпқой бокста 10 кездесудің төртеуінде жеңген.

Бокс кешінің бағдарламасында өзге де қазақстандық спортшылар сынға түседі. Атап айтқанда, жанкүйерлер Сұлтан Зауырбек пен Азинга Фузиле, Батыр Жүкембаев пен Кейн Гарднер, Балауса Мұздиман мен Розалинда Родригес жекпе-жегін көруіне мүмкіндігі бар.

Айта кетсек, бокс кеші «Qazsport» және «Qazaqstan» телеарналарынан тікелей көрсетіледі.