Астанадағы 30-дан астам нысан қауіпсіздік талаптарына сай емес
«Жыл басынан бері астаналық тәртіп сақшылары лаңкестік әрекеттерге әлсіз деген бірқатар нысандарды тексерді. Тексеру барысында 30-дан астам басшылар терроризмге қарсы қорғаныс талаптарын орындамағаны және қауіпсіздік шараларымен қамтамасыз етпегені үшін әкімшілік жауапқа тартылды. Осындай жауапсыздықтар үшін салынған айппыұл көлемі 7 млн теңгеден асты»,-деп хабарлады ІІД-нің баспасөз қызметі.
Полиция мәліметтері бойынша, терроризм мәселесі бойынша әлсіз деп танылған нысандар инженерлік-техникалық жағынан нығайтылмаған. Нақтырақ айтқанда, онда бейнебақылау мен дабыл беру, арнайы белгі беру, басқаруды бақылау жүйелері қойылмаған. Сондай-ақ арнайы мамандандырылған күзет қызметі жоқ.
Айта кетейік, ҚР Үкіметінің 2013 жылдың 28-тамызындағы №876 қаулысымен террористік әрекеттер бойынша әлсіз деп танылған нысандардың тізімі жарияланған. Олардың осы мәселе бойынша жұмыстарының талапқа сай болуын бақылау ішкі істер органдарына жүктелген.