Астаналық оқушыға алғаш рет «ҚР еңбек сіңірген спорт шебері» атағы берілді

АСТАНА. KAZINFORM — Астана қаласындағы №70 мектеп-лицейінің 11-сынып оқушысы Аңсат Алдияр Исатайұлына «Қазақстан Республикасының еңбек сіңірген спорт шебері» атағы табысталды, деп хабарлайды елорда әкімдігінің ресми сайты.

Бұл — елімізде мектеп оқушысына тұңғыш рет беріліп отырған мәртебелі марапат.

Жас шахматшы Алдияр Қазақстан спортының мақтанышы саналады. Ол әлемдік деңгейдегі түрлі беделді жарыстарда қарсыластарын артта қалдырып, бірнеше мәрте жеңімпаз атанды.

Әлем чемпионаттары мен халықаралық турнирлерде топ жарып, ел намысын қорғап, көк туды биікте желбіреткен жас әлем чемпионы.

Айта кетейік, Бибісара Асаубаева Өзбекстандағы турнирде қола жүлдегер атанды.