17:45, 23 Қыркүйек 2024 | GMT +5
Астананың айналма жолы 3 күнге жабылады
АСТАНА. KAZINFORM — ҚазАвтоЖол елорданың айналма жолында көлік қозғалысына тыйым салынатынын хабарлады.
ҚазАвтоЖол 24 қыркүйектен бастап 27 қыркүйекке дейінгі аралықта Р-10 Астана айналма жолының 46-53 шақырымы учаскесінде орташа жөндеу жұмыстарын жүргізеді.
«Осыған байланысты Р-10 Астана айналма жолының 46-53 шақырымы аралығында қозғалысқа шектеу қойылады» делінген компания таратқан хабарламада.
Еске сала кетейік, мұның алдында Астананың айналма жолының 30-36 шақырым аралығы 14 қыркүйектен 1 қазанға дейін екі аптаға жабылғанын хабарлаған болатынбыз.
