Астананың орталық саябағы жаңғыртылған соң қандай болмақ
АСТАНА. KAZINFORM – Орталық саябақтың жай-күйіне қатысты қала тұрғындарынан келіп түскен өтініштердің көптігіне байланысты жөндеу жұмыстарын кезең-кезеңімен жүргізу туралы шешім қабылданды, деп хабарлайды Kazinform тілшісі.
Соңғы рет аллеяға күрделі жөндеу жұмыстары шамамен 10 жыл бұрын – 2015 жылы жүргізілген. Содан бері ескертулер ішінара ғана жойылған. Биыл «Нұра» ауданының әкімдігі кешенді абаттандыру жұмыстарын бастады, атап айтқанда:
* жаяу жүргіншілер аймағын және шаңғы трассасын жаңарту;
* ескірген жарықтандыру желілерін ауыстыру;
* субұрқақтар мен жаңбырөткізгіштерді жөндеу;
* инклюзивті балалар ойын алаңын жөндеу.
150-ден астам жетілген қарағаш пен шырша көшеті отырғызылмақ.
Жаңғырту жұмыстары кезең-кезеңімен жүргізіліп келеді, саябақ жұмысын жалғастырып жатыр. Жұмысты шілде айына қарай аяқтау жоспарланған.
Осыған дейін Алматы саябақтарында 6 мыңға жуық шам орнатылатынын жаздық.
