Астананың түбіндегі Талапкер ауылында каналды су шайып кетті

КӨКШЕТАУ. KAZINFORM – Целиноград және Шортанды аудандарының аумағындағы егістіктен еріген қар суының үлкен көлемде ағып келуі салдарынан Талапкер елді мекеніндегі су бұру каналының учаскесін су шайып кетті.

«Қазіргі кезде ТЖМ күш-құралдары су бұру каналының бұзылған тұсын құм салынған қаптармен нығайтып жатыр. Ауыл тұрғындарынан тыныштықты сақтауды және құтқарушылардың нұсқауын орындауды сұраймыз», - делінген ҚР ТЖМ мәліметінде.

Айта кетсек, бұдан бұрын Ақмола облысына Астана қаласынан 85-ке жуық техника көмекке келгенін жазған едік.