Астананы толық газбен қамту 2021 жылы аяқталады
Аталмыш компания Ресейдің «Газпром экспорт» компаниясымен биыл 5 мың тонна жеткізу бойынша келісім жасады. 2021 жылға дейін оның көлемін 320 мың тоннаға жеткізу жоспарда бар. Бұл көлем Астананы және Қазақстанның кейбір солтүстік аймақтарын газбен қамтуға жетеді.
"Астананың жер үйлеріне келетін болсақ, 2018 жылдың соңында газдандыра бастаймыз. Біздің жоспарда «Көктал» тұрғын үй ауданына газ жүргізу бар, 2018-2019 жылдың жылыту маусымында »Көкталдың» жартысы газбен қамтылады. 2021 жылға дейін барлық қаланы газдандырамыз. Біз қаланы магистральді желінің жүргізілуі кезінде дайындаймыз", - деді Global Gas Regazification директоры Панаёт Саулиди Астанада "Тұран" газды қайта жабдықтау стансасының ашылуында.
Газбен қамту орталығының ашылуы Қазақстанның солтүстік-шығыс аймақтарын құбырсыз газбен қамтамасыз етудің алғашқы қадамы. Табиғи метанмен Павлодар, Өскемен және Көкшетау қалаларын қамту көзделіп отыр.
"Бүгінде ресейлік газ жеткізіле беретін болады, болашақта ол өзіміздің газбен алмастырылуы ықтимал. Егер біз газды өзімізде сұйытуды үйренсек, бағасы арзан шықса, бұны Қазақстанда да істейтін боламыз", - деді П.Саулиди.