Астананың 25 жылдығына орай жаппай веложарыс өтеді

АСТАНА. ҚазАқпарат – Елорда тұрғындары мен қонақтары Астананың 25 жылдығына арналған жаппай веложарысқа шақырылады. Іс-шара 25 маусым күні өтеді, деп хабарлайды ҚазАқпарат қала әкімдігінің ресми сайтына сілтеме жасап.

Жарыс Қосшы қаласы бағытындағы айналма веложолдан басталады. 25 шақырым қашықтықтан кейін Үркер (Ильинка) елді мекеніне барар жолдағы «Жасыл белдеу» саябағында мәреге жетеді.

Веложарысқа қатысуға ниет білдірушілерді тіркеу: сағат 8:00 - 8:30. Басталуы – 9:00.

Әрбір қатысушы жарысқа өз велосипедімен жіберіледі.

Жарыс аяқталғаннан кейін мәреде тіркелген велосипедшілер арасында лотерея және бағалы сыйлықтар ойнатылады.