Астананың шет аудандарында жолдар жөнделе бастады
АСТАНА. ҚазАқпарат - Астана әкімдігі қала маңындағы жолдарды жөндеуге кірісті, деп хабарлайды «ҚазАқпарат» ХАА тілшісі.
«Астана қаласының әкімі Әсет Исекешевтің тапсырмасымен, қала маңын дамыту бағдарламасы аясында «Сарыарқа» ауданындағы Көктал 1, 2 және Өндіріс (лесозавод, кирпичный) тұрғын алқаптарында жолдарды асфальттау жұмыстары басталды. Жұмыс жоспарына Өндіріс ауданының 18 көшесі және Көктал 1 ауданының 14 көшесі енді», - деп хабарлады «Сарыарқа» ауданының әкімі Арман Тұрлыбек Фейсбуктегі өзінің парақшасында.
«Бүгінгі таңда Шет, Жолымбет, Көксеңгір, Құлтума ақын, Базарлық, Таңжарық, Ақтолқын, Қаражорға, Ерзакович көшелерінде жұмыстар басталды», - деді А.Тұрлыбек.
