Атақты неміс футболшысы Франц Беккенбауэр өмірден өтті

Атақты неміс футболшысы Франц Беккенбауэр 78 жасында өмірден өтті, деп хабарлайды Kazinform.

Аңыз футболшының жаз мезгілінен денсаулығына қатысты қиындық туындаған. Ақпарат құралдарындаФранц жүрегіне екі мәрте ота жаасғаны хабарланды.

Франц Беккенбауэр 1945 жылы 11 қыркүйекте дүниеге келген. Футболшылық мансабында 1964-1983 жылдарда Германияның «Бавария», «Гамбург», АҚШ-тың «Нью-Йорк Космос» клубтарында доп теуіп, 587 ойында 83 мәрте гол соқты.

Германия ұлттық құрамасы сапында 1965-1977 жылдарда 103 ойында қақпаны 14 мәрте дәл көздеді.

Франц Беккенбауэр 1972, 1976 жылдарда екі мәрте «Алтын доп» иегері атанды. Сондай-ақ, Еуропа чемпиондары кубогының иегері болса, әлем және Еуропа чемпионы атақтарын жеңіп алды. Оған қоса 1990 жылы бапкерлік қызметінде тағы бір мәрте әлем чемпионы тұғырына көтерілді.

Кейінгі жылдарда «Бавария» командасы президент қызметін атқарды.

Еске салсақ, бұдан бұрын төрт дүркін әлем чемпионы атанған жалғыз футболшы Марио Загалло өмірден өтті.