Атырауда ауа сапасының нашарлауына байланысты мұнай өңдеу зауыты тексеріледі
АТЫРАУ. KAZINFORM — Бүгін, 2026 жылғы 8 қыркүйекте Атырау облысы бойынша экология департаменті Атырау мұнай өңдеу зауытына жоспардан тыс тексерісті бастады.
Бұған қыркүйек айынан бері Атыраудағы ауа сапасының нашарлауы себеп болып отыр.
Осыған дейін өңірдің бас экологы ауа құрамындағы кейбір ароматты көмірсутектердің мөлшері түнгі уақытта рұқсат етілген шектен 10-15 есеге дейін артуын Атырау мұнай өңдеу зауытымен байланыстырған еді.
— Тексеру іс-шараларын аяқтау нәтижесі бойынша қолданыстағы заңнамаға сәйкес инспекторлық ден қою шаралары қабылданады. Жағдай министрліктің бақылауында. Жүргізілген жұмыстың нәтижесі туралы қосымша хабарланады, - деп хабарлады департамент.
Әзірге тексерістің қанша күнге созылатыны белгісіз. Бұл мәселеге қатысты Құрылтай депутаты Арман Хайруллин пікір білдіріп, мәселені шешу үшін бірнеше ұсыныс айтқан еді.
