Атыраудың Ресеймен шекаралас ауданында белгісіз аппарат бөлшегі табылды
АТЫРАУ. KAZINFORM – Атырау облысының Ресей Федерациясымен шекаралас Құрманғазы ауданында ұшқышсыз ұшатын аппаратқа ұқсас нысанның бөлшегі құлаған.
Телеграм арналары мен БАҚ-та тараған ақпаратқа қарағанда, көрші елмен шекарадағы Қоңыртерек ауылының маңынан белгісіз заттың бөлшегі табылған.
Ішкі істер министрлігі әскери-тергеу департаментінің мәліметінше, аталған оқиғаға байланысты тексеру басталған.
– Атырау облыстық полиция департаменті уәкілетті қызметтермен бірге ұшқышсыз ұшатын аппараттың ұқсас заттың бөлшегі табылуына байланысты тексеру жүргізіп жатыр. Нысан далалық аумақта табылды. Зардап шеккен жоқ. Оқиғаның барлық мән-жайы анықталады, - деп хабарлады министрліктің әскери-тергеу департаментінен.
Еске сала кетелік, бұған дейін Астана маңында
екі адам мерт болғаны хабарланған еді.
