Атыраулық ана 5 баласын бейімдеу орталығына, 3 баласын сәбилер үйіне орналастырған

АТЫРАУ. KAZINFORM – Атырау қаласының маңындағы ауылдық округте тұратын ана ана 5 баласын бейімдеу орталығына, 3 баласын сәбилер үйіне орналастыруға мәжбүр болған.

Бұл туралы Бала құқықтары жөніндегі Атырау өңірлік уәкілі Айжан Сәрсембаеваның айтуынша, 8 баласы бар отбасына 2020 жылы «Харекет» қайырымдылық қоры арқылы жеке үй берілген. 

– Алайда тұрғын үйдің жағдайы өте нашар. Үйдің төбесінен су кетіп, жылу да болмаған. Соның салдарынан көпбалалы ананың әлеуметтік жағдайы Атырау қалалық әкімдігі жанындағы кәмелетке толмағандар істері жөніндегі комиссияда қаралды. Оның өтінішіне сәйкес комиссия шешімімен 5 баласы Атырау облыстық кәмелетке толмағандарды бейімдеу орталығына, ал 3 баласы «Сәбилер үйіне» уақытша орналастырылды, - дейді Айжан Сәрсембаева. 

Оның айтуына қарағанда, көпбалалы ананың үйіне жөндеу жүргізіліп жатыр. Қазір жеке тұрғын үйдегі жылу жүйесі қалпына келтірілген. Үйдің іші де реттелген. 

Еске сала кетелік, бұдан бұрын Атырау облысында кәмелетке толмаған 102 бала қатерлі ісікке шалдыққанын хабарлаған болатынбыз.