Атыраулық аспаз Түркиядағы гастрофестивалде бірінші орын алды

Бағдат Қадыров Түркияның Анталия қаласында өткен халықаралық гастрономиялық фестивальге қатысты, деп хабарлайды Kazinform.

Жарыстың қалай өткені туралы Бағдат Қадыров Instagram парақшасында айтып берді.

Фестивальге әлемнің түкпір-түкпірінен 750-ден астам аспаз мамандары қатысқан.

Аспаздардың әзірлеген тағамдарын 15 елден келген қазылар алқасы, соның ішінде Мишлен жұлдызы иегерлері бағалады.

- Фестивальге екі номинация бойынша қатысып, 1-ші және 2-ші орындарға ие болдым. Әділқазылардың дайындаған тағамдарыма деген реакциясы маған қатты ұнады, – деп қуанышымен бөліседі Бағдат өз парақшасында.