Атырау мамандандырылған ХҚО шетелдік көліктерді тіркеуге байланысты күшейтілген жұмыс режіміне өтті
АТЫРАУ ОБЛЫСЫ. ҚазАқпарат – Атырау мамандандырылған ХҚО күшейтілген жұмыс кестесіне көшті, деп хабарлайды ҚазАқпарат тілшісі.
«Бүгіннен бастап Атырау мамандандырылған ХҚО күшейтілген жұмыс кестесіне көшті. Егер жай күндері ХҚО-да 30 адам жұмыс істесе, енді 40 адам жұмыс істейтін болады. Бұл шетелдік нөмірі бар көліктерді тіркеумен байланысты болып отыр. Енді мамандандырылған ХҚО аптасына 6 күн емес, демалыссыз сағат 9-дан 20-ға дейін жұмыс істейді. Мұндай жұмыс кестесі 29 ақпанға дейін болады», - деп хабарлады «Азаматтарға арналған үкімет» КЕАҚ мемлекеттік корпорациясының Атырау облыстық бөлімінің баспасөз хатшысы Нұрлыбек Бақтығали.
Автор: А. Соколов
