Атырау облыстық ауыл шаруашылығы басқармасына жаңа басшы тағайындалды

АТЫРАУ. ҚазАқпарат – Атырау облысы әкімінің өкімімен облыстық ауыл шаруашылығы басқармасының басшысы тағайындалды. Бұл лауазымды Салауат Өтеғұлов атқарады, деп хабарлайды ҚазАқпарат.

Салауат Өтеғұлұлы Орал еңбек және әлеуметтік қатынастар академиясын «Әлемдік экономика» және Батыс Қазақстан инженерлік-гуманитарлық университетін «Құқық» мамандығымен бітірген.

Ол 2001 – 2002 жылдар аралығында Индер ауданындағы «Есбол» АҚ-да темір жонушы, 2006 – 2007 жылдары Атырау облыстық дене тәрбиесі және спорт басқармасының бас маманы болған.

Ал, 2007 – 2009 жылдары аралығында Атырау облыстық экономика және бюджеттік жоспарлау департаментінің бюджеттік жоспарлау бөлімінде уақытша бас маман, 2009 – 2013 жылдары Атырау облыстық экономика және бюджеттік жоспарлау басқармасының ауылдық аумақтарды дамыту бөлімінің басшысы болып жұмыс істеген.

2013 – 2019 жылдары аралығында Атырау облыстық экономика және бюджеттік жоспарлау басқармасының ауылдық аумақтарды дамыту бөлімінің басшысы,
09.2013 – 07.2019 жылдар аралығында басқарма басшысының орынбасары лауазымын атқарған.

2019 – 2021 жылдары аралығында Индер ауданы әкімінің орынбасары, 2021 – 2022 жылдары Индер ауданының әкімі қызметін атқарды.

Еске сала кетелік, бұдан бұрын Атырау облысында Индер ауданының әкімі тағайындалғанын хабарлаған болатынбыз.