09:30, 02 Маусым 2013 | GMT +5
Атырау облысында КамАЗ аударылып, 10 тонна дизельдік отын төгілді
АСТАНА. 2 маусым. ҚазАқпарат - Атырау облысында «Атырау-Астрахань» автожолының 30-шақырымында автоцистернасы бар КамАЗ аударылды. Бұл туралы ҚР ТЖМ баспасөз қызметінен хабарланды.
Соның нәтижесінде 10 тонна көлемінде дизельдік отын төгілді. Зардап шеккендер жоқ. Оқиға орнында экология департаментінің мамандары жұмыс жасауда.