Атырау облысындағы атыс: Жарақат алған бір адам ауруханада қайтыс болды
АТЫРАУ. ҚазАқпарат – Атырау облысында ауыл жастары арасында болған атыстан 6 адам жарақат алған еді. Ауылдық дәрігерлік амбулаторияға жеткізілген бір адам қайтыс болды, деп хабарлайды ҚазАқпарат.
Бұған дейін Атырау облысында ауыл жастары арасында атыс болғанын жазған едік.
Қызылқоға ауданындағы Сағыз ауылының маңында болған атыстан 6 адам жарақат алған.
«Атыстан 5 адам оқ жарақатын, 1 адам дене жарақатын алды. Зардап шеккендер Сағыз ауылдық дәрігерлік амбулаториясына жеткізілді. Өкінішке орай, 1985 жылы туған азамат алған жарақаттан ауруханада қайтыс болды» - деп мәлім етті облыстық полиция департаментінің баспасөз қызметі.
Қазір Сағыз ауылына Атырау облыстық полиция департаментінің жедел-тергеу тобы жетті. ҚР Қылмыстық кодексінің 99-бабының 2-бөлігімен (Адам өлтіру) сотқа дейінгі тергеу басталды.
