Атырау облысындағы Теңіз вахта кентінде өндірістік қалдық жанып жатыр
Облыстық төтенше жағдайлар департаменті баспасөз қызметінің мәліметінше, өрт бүгін, 1 наурызда жергілікті сағат 16:40-та тұтанған.
«Жылыой ауданындағы Теңіз вахталық кентіндегі ашық алаңда өндірістік қалдық жанып жатыр. «Теңізшевройл» ЖШС өрт сөндіру және апаттық қызметінің мәліметінше, өрт тұтанған аумақтың ауданы - 200 шаршы метр. Жалынды сөндіруге «Теңізшевройлдың» өрт сөндіру және апаттық қызметінен 17 қызметкер мен 4 техника, «COCR» ЖШС-нен 6 қызметкер мен 2 қызметкер жұмылдырылған», -деп хабарлады департаменттің баспасөз қызметінен.
Оқиға орнына бару үшін Жылыой аудандық төтенше жағдайлар бөлімінен 10 қызметкер мен 2 техника жолға шықты.
Аудан орталығы – Құлсары қаласы мен Теңіз вахталық кентінің аралығындағы қашықтық - 90 шақырым.
Еске сала кетелік, бұған дейін Атырауда бір мезетте тұрақта тұрған екі жүк көлігі өртеніп кеткен болатын.