Атырау және Ақтөбе облыстарында күн бұзылады
НҰР-СҰЛТАН. ҚазАқпарат - Ауа райының бұзылуына байланысты Қазақстанның бірқатар өңірінде ескерту жарияланды, деп хабарлайды ҚазАқпарат «Қазгидромет» РМК баспасөз қызметіне сілтеме жасап.
24 сәуірде Атырау облысында кей жерлерде шаңды дауыл соғады. Солтүстік-батыстан соққан жел оңтүстік-батысқа ауысады. Жел екпіні 15-20 м/с дейін күшейеді.
24 сәуір күндіз Атырау қаласында солтүстік-батыстан соққан күшті жел оңтүстік-батысқа ауысып, жылдамдығы секундына 18 метрге жетеді.
24 сәуір күндіз Ақтөбе облысында батыстан және оңтүстік-батыстан екпінді жел соғады. Кей жерлерде жел қарқыны 15-20 м/с болады.
Ақтөбе қаласында батыстан жел соғады. күші - 18 м/с.
