Атырауда 2 жүргізуші BMW көліктерімен жарысып, жол ережесін бұзған
Бұл туралы әлеуметтік желіде видео тараған. Осыған орай полиция қызметкерлері BMW көліктерімен жол ережесін бұзған жүргізушілерді анықтады.
«Полиция қызметкерлері 8 мамырда сағат 11:30 шамасында Атырау қаласының Сатыбалдиев көшесі бойында жол ережесін бұзған 1988 және 1996 жылғы жүргізушілерді анықтады. Оларға қатысты ҚР Әкімшілік құқық бұзушылық туралы Кодексінің 595-бабының 1-бөлігімен (Маневр жасау қағидаларын бұзу) және 599-бабының 1-бөлігімен (Бағдаршамның тиым салатын сигналына немесе реттеушiнiң тиым салатын қимылына қарамай өту), сондай-ақ 630-бабының 1-бөлігімен (Жол құрылыстарын бүлдіру) хаттамалар толтырылды»6 -деп хабарлады облыстық полиция департаментінің баспасөз қызметі.
Ал, 1996 жылғы жүргізушіге бұдан басқа ҚР Әкімшілік құқық бұзушылық туралы Кодекстің 476-бабының 1-бөлігімен де әкімшілік хаттама рәсімделіп, сотқа жолданған.