Атырауда 5 млрд теңгенің құс фабрикасы салынады

АТЫРАУ. ҚазАқпарат - Атырауда бройлер тауығын өсіретін құс фабрикасы салынады, деп хабарлайды ҚазАқпарат тілшісі.

«Атырау облысында 2014 жылы құс фабрикасының құрылысы басталды. «Атырау» ӘКК»ҰК» АҚ қаржыландыратын жобаның құны 5 млрд теңге. Фабриканың жылдық қуаты - 2,62 мың тонна тауық еті. Өнім нарығы  Атырау облысы», - деп хабарлады Атырау облысының кәсіпкерлік және индустриялық-инновациялық даму басқармасы.

Құрылыс аяқталғаннан кейін фабрикада 79 адам жұмыс істейді.