Атырауда Ішкі істер басқармасының парақор полицейі ұсталды

АТЫРАУ. 5 наурыз. ҚазАқпарат - Атырау облысы бойынша қаржы полициясы департаменті өңірлік ІІД Өзіндік қауіпсіздік басқармасының қызметкерлерімен бірлесіп Атырау қалалық ІІБ-нің учаскелік инспекторын ұстады.

«Инспектор екі азаматтан ҚР Әкімшілік құқық бұзушылықтар туралы кодекстің 333-бабы бойынша әкімшілік құқық бұзушылық туралы хаттаманы толтырмау үшін 58 мың теңге көлемінде пара алғаны үшін айыпталуда. Инспекторға қатысты пара алу фактісімен қылмыстық іс қозғалды. Сот оны қамауға алуға санкция берді. Қылмыстық іс тергелуде», - деп хабарлады қаржы полициясының баспасөз қызметінен.